გილოცავთ შობა-ახალ წელს

"განათლების განვითარების ცენტრი" გილოცავთ შობა-ახალ წელს, გისურვებთ დიდხანს სიცოცხლეს, ბედნიერებას, ჯანმრთელობას, წარმატებას და გატყობინებთ რომ პროექტში მონაწილე ყველაზე აქტიურ სკოლებს "ჯადოსნური ყუთები" იანვრის პირველ კვირაში გადაეცემათ.

„ბუნებრივად თანაბარი შანსები“ - შემაჯამებელი კონფერენცია

15 დეკემბერს მასწავლებელთა სახლში პროექტ „ბუნებრივად თანაბარი შანსები“ ფარგლებში ჩატარდა შემაჯამებელი კონფერენცია. კონფერენციას ესწრებოდნენ საქართველოს განათლების მინისტრის მოადგილე ირინა ქურდაძე, მასწავლებელთა პროფესიული განვითარების ცენტრის დირექტორი გია მამულაშვილი, პოლონეთის საგანგებო და სრულუფლებიანი ელჩი საქართველოში ურშულა დოროშევსკა, პოლონეთის საკონსულოს წარმომადგენლები, პოლონეთის განათლების მინისტრის მოადგილე, ვარშავის „კოპერნიკის ცენტრის“ მეცნიერ-თანამშრომლები, პროექტის კოორდინატორები პოლონური და ქართული მხრიდან, მასწავლებელთა პროფესიული განვითარების ცენტრის თანამშრომლები, პროექტის ტრენერები და მონაწილე მასწავლებლები. კონფერენციის დასასრულს „ფოტორეპორტაჟი გაკვეთილიდან“ კონკურსის გამარჯვებულებს გადაეცათ პრიზები.

პროექტის შემაჯამებელი კონფერენცია - მალე!

15 დეკემბერს თბილისში, მასწავლებელთა სახლში გაიმართება ჩვენი მიმდინარე პროექტის „ბუნებრივად თანაბარი შანსები“ შემაჯამებელი კონფერენცია. კონფერენციაზე ერთმანეთს შეხვდებიან საგანმანათლებლო სფეროს ქართველი და პოლონელი ექსპერტები, განათლების სამინისტროს წარმომადგენლები და ქართველი მასწავლებლები. მოხდება პროექტის რეალიზაციის შთაბეჭდილებების გაზიარებადა საქართველოში საბუნებისმეტყველო საგნების სწავლების ხარისხის ამაღლების მიზნით თანამშრომლობის გაგრძელებისა და გაფართოების შესაძლებლობების განხილვა. კონფერენციაზე ასევე წარმოდგენილი იქნება პროექტის ფარგლებში ჩატარებული საქართველოში სოფლის სკოლების მასწავლებელთა საჭიროებების კვლევის შედეგების პრეზენტაცია.

დაწვრილებითი ინფორმაციისათვის მიმართეთ მეგი ბიბილურს: megipoland@gmail.com, ტელ: (+995) 599757674

კონკურსი:

„ფოტორეპორტაჟი გაკვეთილიდან“

კონკურსის მასალების წარდგენა - ტრენინგიდან 2 კვირის ვადაში.

. . . კონკურსის განაცხადი უნდა შეიცავდეს :

ა). კონკურსის მონაწილის მონაცემებს

ბ). 4 ფოტოსურათს (ზომა - არა უმეტეს 3 მბ)

გ). ჩატარებული გაკვეთილის აღწერას - A4 ფორმატის 1 გვერდი

ფოტორეპორტაჟი შეფასდება შემდეგი კრიტერიუმებით:

ა). ინოვაციურობა (მასწავლებლისა და მოსწავლეების კრეატიულობა)

ბ). მოსწავლეების ჩართულობა გაკვეთილის მომზადებასა და ჩატარებაში

გ). სურათების ხარისხი

კონკურსის შედეგებს შეაჯამებს ქართულ-პოლონური კომისია. 3 საუკეთესო ფოტორეპორტაჟის ავტორი 3 რეგიონიდან შემაჯამებელ კონფერენციაზე დაჯილდოვდება.

კონკურსის განაცხადის შემოტანის ბოლო ვადაა 18 ნოემბერი

ტრენინგები 2011

ქ ვ ე მ ო ქ ა რ თ ლ ი, ს ა მ ც ხ ე ჯ ა ვ ა ხ ე თ ი, შ ი დ ა ქ ა რ თ ლ ი

გილოცავთ ტრენინგების დაწყებას !!! წარმატებებს და წინსვლას გისურვებთ !

ველით თქვენს შთაბეჭდილებებს, კომენტარებს.

Happy Birthday !!!

2010 წელი

· 22 სექტემბერი - "განათლების განვითარების ცენტრის" დაარსების დღე.

რეგიონალური კონფერენცია

20,21 და 22 სექტემბერს საერთაშორისო პროექტ „ბუნებრივად თანაბარი შესაძლებლობების ფარგლებში“ ჩატარდება რეგიონალური კონფერენციები სამცხე-ჯავახეთში, შიდა ქართლსა და ქვემო ქართლში. პროექტის მიზანია: პატარა ქალაქებისა და სოფლების მასწავლებელთა თანამედროვე მეთოდოლოგიური ინსტრუმენტებით წვდომის უზვრუნველყოფა.

სამცხე-ჯავახეთის რეგიონში კონფერენცია ჩატარდება 21 სექტემბერს 11:00 საათზე ახალციხის უნივერსიტეტის სააქტო დარბაზში( რუსთაველის #122)

შიდა ქართლის რეგიონში - 22 სექტემბერს 14:00 საათზე გორის მე-3 საჯარო სკოლის სააქტო დარბაზში(დ.ამილახვრის #26)

ქვემო ქართლის რეგიონში - 23 სექტემბერს 15:00 საათზე მერიის დარბაზში

კონფერენციაში მონაწილეობას მიიღებენ: პროექტის პოლონელი პარტნიორები, ვარშავის კოპერნიკის სამეცნიერო ცენტრის, საქართველოს განათლების სამინისტროს, უნივერსიტეტების, რესურს ცენტრების და პროექტში მონაწილე სკოლების წარმომადგენლები.

ტრენინგი ტრენერებისათვის 2011

12, 13 და 14 სექტემბერს გორში, "განათლების განვითარების ცენტრში" ჩატარდა ტრენინგი პროექტში ჩართული 3 რეგიონის 15 ტრენერისათვის. ტრენინგს უძღვებოდნენ ორგანიზაცია „პარტნიორები საქართველოდან“ ტრენერები თეა გველესიანი და ნათია გოფოძე.

ტრენინგი "სწავლების აქტიური მეთოდები"

3, 4, 5 და 6 სექტემბერს გორის #3 საჯარო სკოლასთან არსებულ „განათლების განვითარების ცენტრში“ „კოპერნიკის სამეცნიერო ცენტრის“ მეცნიერ-თანამშრომლების მალგოჟატა კარვოვსკასა და პატრიცია სტჯეტელსკას მიერ ჩატარდა ტრენინგი პროექტის ტრენერებისათვის “ სწავლების აქტიური მეთოდები“. ტრენინგში მონაწილეობას იღებდნენ პროექტ“ბუნებრივად თანაბარი შესაძლებლობები ყველასათვის“ ტრენერები შიდა ქართლის, ქვემო ქართლისა და სამცხე-ჯავახეთის

რეგიონებიდან.

ტრენინგს ესწრებოდნენ ეროვნული სასწავლო გეგმებისა და შეფასების ცენტრის ქიმიისა და ბიოლოგიის ექსპერტები: ქალბატონი მ. მაჭავარიანი და ბატონი ზ. ხიდაშელი.

პროექტის პრეზენტაცია „კოპერნიკის სამეცნიერო ცენტრის“ კონფერენციაზე

ამა წლის 26-28 აგვისტოს ვარშავაში "ჩატარდა კოპერნიკის სამეცნიერო ცენტრის" V კონფერენცია . კონფერენციას ესწრებოდნენ საბუნებისმეტყველო საგნების მასწავლებლები პოლონეთის ყველა რეგიონიდან.

კონფერენციაზე წელს ასევე მიწვეულები იყვნენ "კოპერნიკის სამეცნიერო ცენტრთან" პარტნიორობით განხორციელებული საერთაშორისო პროექტების მონაწილეები საქართველოდან (ელენე ხაჩიძე)  და ბელორუსიიდან.

დამატებითი ინფორმაცია კონფერენციის შესახებ შეგიძლიათ ნახოთ „კოპერნიკის სამეცნიერო ცენტრის“ ვებ-გვერდზე: აქ და აქ 

კვლევა

პროექტ „ბუნებრივად თანაბარი შესაძლებლობები ყველასთვის” ფარგლებში 14-22 ივნისს საქართველოს სამ რეგიონში: შიდა ქართლში, ქვემო ქართლსა და სამცხე-ჯავახეთში პოლონელი კოორდინატორებისა და სოციოლოგების მიერ ჩატარდა შეხვედრები ფოკუს ჯგუფებთან, აიღეს ინდივიდუალური ინტერვიუები ტრენინგის მონაწილეებისგან.

23 ივნისს, გორის #3 საჯარო სკოლასთან არსებულ „განათლების განვითარების ცენტრში“ შედგა პროექტის პარტნიორების სამუშაო შეხვედრა.

„ბუნებრივად თანაბარი შესაძლებლობები ყველასთვის"“

საქართველოსთან თანამშრომლობის ახალი პროექტი

პოლონეთის საგარეო საქმეთა სამინისტრომ, საერთაშორისო დახმარების 2011 წლის პროგრამის ფარგლებში, მხარი დაუჭირა შიდა ქართლის, ქვემო ქართლისა და სამცხე-ჯავახეთის რეგიონების სოფლის ტიპის დასახლებებში განათლების განვითარების პროექტს. პროექტის მიზანია - სოფელში მცხოვრები ბავშვებისა და ახალგაზრდებისათვის განათლების შანსის ამაღლება, პატარა ქალაქებისა და სოფლების მასწავლებელთა თანამედროვე მეთოდოლოგიური ინსტრუმენტებით წვდომის უზრუნველყოფა.